"Зочин илтгэгчийн яриа" хөтөлбөрт "Тоёота Сэйлс Монголиа" ХХК-ий менежер Н. Мандахзул оролцов
Шинэ Монгол Эрдмийн хүрээлэнгийн дэргэдэх Карьер Хөгжлийн Төвөөс зохион байгуулж буй "Зочин илтгэгчийн яриа" арга хэмжээний ээлжит зочноор Ерөнхий боловсролын Шинэ Монгол сургуулийн 4-р үеийн төгсөгч, Тоёота Сэйлс Монголиа ХХК-ий Бүтээгдэхүүн хөгжүүлэлт, Автомашины эрэлт нийлүүлэлтийн менежер Н. Мандахзул "Хувь хүний хөгжил болон Тоёота технологи" сэдвээр Шинэ Монгол технологийн дээд сургуулийн оюутнуудад илтгэл тавилаа.
Тэрээр 2011 онд Япон улсын Сүзүка Технологийн Коллеж,
2014 онд Нагоя Технологийн Их Сургуулийг механик инженер мэргэжлээр төгсжээ.
Тус илтгэлийн хүрээнд өөрийн хүсэл мөрөөдлийг хэрхэн олж таних, хэрхэн амжилттай суралцах талаар оюутнуудтай хувийн туршлагаасаа хуваалцсан ба илтгэлийн төгсгөлд оюутнуудтай багахан хэмжээний хэлэлцүүлэг өрнүүллээ.
Шинэ Монгол Технологийн Их Сургуулийн оюутнуудад чухал сэдвээр илтгэл тавьсан Н. Мандахзул илтгэгчдээ баярлалаа.
